CHAPTER 49

Nakita ni Joyce kung paano nagpamewang si Stephanie sa kaniyang sinabi. Kita sa mukha nito ang pagkapikon na hindi rin nakaligtas sa paningin ni Jake. Kaya naman maagap na pumagitna si Jake sa pagitan ng dalawang dalaga.

"Hindi porke nakabihis ka ng maganda ngayon ay kailangan mo na akong angasan ng gan'yang salita. Alalahanin mong katulong ka pa rin sa paningin ko at kahit na anong pustura mo ngayon ay isa ka pa ring mababang uri!" malakas na salita ni Stephanie kay Joyce.

Napangiti ng painsulto si Joyce sa naging asal ni Stephanie.

"Natatakot ka bang maagaw ng isang katulong ang dati mong boyfriend? Paano ba iyan, magkikita at magkikita kami araw araw ni Mr. Jake. So, pag-igihan mo ang pagbuntot sa kaniya baka magulat ka... sa akin na pala siya," pang iinis ni Joyce kay Stephanie na lalong namula sa galit.

Nang akmang lalapitan na ni Steff si Joyce ay agad na inawat iyon ni Jake.

"Huwag kang mag iskandalo dito sa aking opisina Steff. Sinabihan na kita na mamaya mag-uusap tayo." Mari