Chapter 20: Galit na Galit

Muli siyang sumimsim sa sariling wine glass nang bumalik siya sa dating pwesto at muling lumangoy sa kabilang dulo. Nagpaulit-ulit siya sa gano'n. Simpleng titingnan ang binatang amo. Hinihintay niyang suwayin siya nito sa ginagawang pag-inom, ngunit maliban sa paninitig sa ginagawa niya, na animo binabantayan ang bawat kilos niya ay wala na itong ibang naging aksiyon.

May pagkakataong nilalapitan ito nina Elizha at Cristine, at nang ilan pa sa mga kaklase niyang babae upang makipag-usap dito, ngunit ang paningin nito ay nanatiling nakapako sa kung nasaan siya.

Iginala niya ang mga mata, nang mapadako iyon sa mini bar na inilagay malapit sa pintuan patungong kabahayan, ay nagtama ang paningin nila ni Miss Ruth. Hindi niya inaasahan ang talim ng mga titig nito na nagpapalipat-lipat sa kaniya at sa kinauupuan ng binatang amo.

Hindi niya alam kung ano ang iniisip nito. Ngunit base sa paniningkit ng singkit na nitong mga mata, alam niya at dama niya ang galit nito.

Nagpakawala nang ma