Chapter 28:

HINDI na namalayan ni Samara na natapos na siyang paliguan ng kaniyang master sa pagitan ng kanilang pag-uusap. Maging ang kaniyang buhok ay na-shampoo-han na pala nito nang hindi niya napapansin. Masiyado kasi siyang okupado sa pagmamasid sa bawat salita at kilos nito. Nalulunod siya sa papalit-palit na ekspresyon sa perpekto nitong mukha.

Napuna na lamang na tapos na ang pagpapaligo nito sa kaniya nang muli itong tumayo at tinungo ang pinaglalagyan ng mga tuwalya at roba. Naglabas ito ng tig-isa at muling bumalik sa kaniya. Binuksan nito ang shower at sinipat sa tamang temperatura bago siya nito inalalayan sa pagtayo at paglapit doon upang mabanlawan siya.

At nang maalis ang sabon sa buo niyang katawan ay ito pa rin ang nagtuyo noon. Pakiramdam tuloy niya ay isa siyang prinsesang pinagsisilbihan ng kaniyang alipin, na kung tutuusin siya dapat ang nagsisilbi rito.

Tuluyan na nitong isinuot kay Samara ang roba matapos itong matuyo, bago ito pinangko dahilan ng p