Chapter 32: Hey, Baby Girl

"NASA meeting ka?" kunot ang noo ni Samara matapos marinig ang tila presentation ng kung sino, sa background ni Jasson.

Katatapos lang ng agahan nila at nang makatulong sa mga kasambahay ay nagmamadali na siyang tumungo sa silid niya dahil sa mensahe ng nobyo na tatawag ito.

Saglit na sumulyap sa unahan si Jasson bago muling ibinalik sa kaniya ang atensiyon.

"I was bored here. Ilang araw nang puro meeting. At nami-miss na kita."

Ramdam ni Samara ang pag-iinit ng magkabilang pisngi dahil nakikinita niya ang kuryosong pagbaling ng mga ka-meeting nito rito. Hindi tuloy siya makasagot dahil sa hiya na baka marinig siya ng mga kasama nito.

Napa-O na lamang siya nang marahang tinapik-tapik ng nobyo ang kaliwang tainga nito. Jasson is using a wireless earphone, ipinararating sa kaniya na ito lamang ang nakakarinig sa kaniya.

"Nami-miss na rin kita.” Idinaan ng dalaga sa paglabi ang ngiting nais kumawala.

"Kumusta ang lola mo?" tanong n