Chapter 51

PATULOY na bumabagabag sa isip ni Mari ang natuklasan niyang litrato mula sa libro ng lola Epiphania niya. Nakaayos na si Mari para pumasok sa Harrington building. Paglabas niya sa mansyon ay napatinto siya sa garden nang makita niya si Epiphania na nagdidilig ng mga halaman sa garden. Hindi kasi mapakali ang matanda na manatili at relax lang sa kwarto, nasanay kasi itong may ginagawa.

Lumingon si Epiphania kay Mari at napataas ito ng kilay. Pinatay niya ang hawak niyang garden hose saka nilapitan ang apo. Napansin niya kasing kanina pa ito nakatuon sa kanya.

“Aalis ka na ba? Si Clarence ba’t di mo kasama?” ngiting tanong ng matanda. Proud siyang makita si Mari na papasok na ito bilang CEO ng Harrington Group.

Tumango si Mari. “Opo, La, hinihintay ko na lang ang driver ko. Nauna na kasing pumasok si Clarence sa kompanya niya. Magkaiba kami ng direksyon at ayoko namang ma-late kami pareho.”

Hinawakan ng matanda ang magkabilang balikat ni Mari. “Sobrang proud ako sa’yo dahil nakuha mo n