Chapter 30

"TAKE care of my wife. If anything happens to her, may kalalagyan ka s--" Mabilis na tinakpan ni Yumi ang bibig ni Vincent.

"Tumigil ka nga! Tinatakot mo naman itong si Drew e."

Hindi niya binigyang pansin iyon, sa halip ay mas tumalim ang titig niya sa binatang nag-aayos sa kabayong sasakyan ng kanyang asawa. Kasalukuyan silang nasa kuwadra ng mga kabayo. Nagyaya si Yumi na pumunta roon upang magpaturo ng pagsakay sa kabayo.

"Patatanggalan kita ng kaluluwa--aray!" Malakas siyang napadaing nang batukan siya ng asawa.

"Napakabrutal ng bunganga mo, Vincent!" Busangot ang mukha nito. "Halika na nga, Drew! Huwag mo na lang intindihan ang sira-ulo mong amo. May menstruation lang iyan ngayon."

"Aba't hoy! Paano ako magkakaroon ng menstruation, e lalaki ako?!"

"Ang sungit mo kasi!"

"Pinaiingatan lang kita." Lumapit siya rito. Umingos ito nang yakapin niya. Hinagkan niya ang ulo nito na ikinabungisngis ni Drew. Napabaling tuloy ang kanilang paningin dito.

"Ang sweet niyo po," anito na