Chapter 31

TAHIMIK na sinimsim ni Vincent ang tsaa na nagmula pa sa Italy. Paborito rin iyon ng yumao niyang ina. Naglalaro sa isipan niya kung ano ba ang mas magandang gawin sa oras na malaman niya ang katotohanan? Katotohanang wala talaga siyang sakit. Sino ba naman kasi ang maniniwalang hindi siya puwedeng magpasikat sa araw?! Natawa siya't napailing. Magaling na aktress ang mag-ina lalo na si Victoria. Napaniwala siya nito. Subalit isang malaking pagkakamali ang kanilang ginawa. Ngayong may saysay na ang buhay niya, hindi na siya magpapauto rito.

"Kung habol nila ay ang kayamanan, hindi nila makukuha iyon!" naghuhumiyaw na sabi ng kanyang isipan. Kasalukoyan siyang nasa terrace at mula sa kinatatayuan niya'y tanaw niya ang nag-uumpukan sa ibaba. "Mukhang pinagkakaisahan pa nila ang aking asawa."

Gumuhit sa labi niya ang pinong ngiti. May pumasok na ideya sa isipan niya. Minadali na niya ang pag-ubos sa iniinom. Nagtungo muna siya sa silid nilang mag-asawa bago bumaba ng mansiyon. Hinanap ni