Kabanata 18 : Minari's Pov

Pagkatapos ng isang linggo na pagpapahinga ko sa hospital ay muli akong nakauwi sa bahay namin. Pero wala pa ring nagbago kahit nakabalik na ako sa tahanan namin. Palagi pa rin akong nakatulala at walang imik. Hindi na rin umuuwi ng madalas si Lemuel sa bahay namin at alam ko naman kung nasaan siya ngayon. Paniguradong magkasama na naman sila ng babaeng niya. Pagkatapos ng mga nangyari sa akin at kahit nalaman niya ang pagkamatay ng anak namin ay hindi ko kailanman narinig mula sa bibig niya ang salitang patawad. Wala akong narinig na kahit ano mang salita mula sa kaniya, ni hindi niya ako malapitan o matitigan man lang ng direkta sa aking mga mata.

Pakiramdam ko ay tuluyan nang lumayo ang loo niya sa akin at hindi na ako ang nilalaman ng puso niya. Siguro nga nagmahal lang siya pero sana man lang ay nagpunta siya sa araw ng libing ng anak namin, kahit para na lang sa kaniya. Pero muli na naman niya akong binigo. Mas pinili niyang manatili sa piling ng babae niya keysa sa akin at sa a