Chapter 0003

Bigla siyang napatitig sa gwapong mukha nito at pagkatapos ay napabulong sa kaniyang isip. ‘Walang iba kundi ikaw iyon Lucas. Sampung taon na kitang minamahal.’ 

Matinding kirot ang naramdaman ni Annie sa kaniyang puso ng mga oras na iyon. Napakuyom siya ng kaniyang mga kamay at sumagot ng mahinahon. “Hindi na mahalagang malaman mo pa kung sino siya dahil mayroon na siyang ibang mahal at balak na magpakasal muli.” 

…

BAHAGYANG kumunot ang noo ni Lucas nang marinig niya ang sagot ni Annie. “Magpakasal muli? Nag- asawa na siya?” gulat na tanong niya sa naging sagot nito. Sa loob ng dalawang taon nilang pagsasama ay hindi niya mapapantayan ang lalaking iyon na may asawa na sa puso nito.

Bahagya itong tumango. “Napilitan siya sa pagpapakasal sa babaeng pinakasalan niya dahil sa pamilya niya na pakasalan ang isang taong hindi naman niya mahal. Ngayon ay bumalik na ang babaeng totoong minahal nito at malapit na silang ikasal.” sagot nito.

Nang marinig niya ang sinabi nito ay hindi niya maiwasan ang hindi magalit sa lalaking tinutukoy nito. 

“Pwes isa siyang basura. Dalawang babae ang sinaktan niya at niloko sa iisang pagkakataon.” galit na saad niya at pagkatapos ay napabuntung- hininga. “Ang mga lalaking katulad ng ganun ay hindi mo dapat nagugustuhan, kung may pagpipilian ka naman ay maghanap ka ng iba yung mas magiging masaya hindi katulad ng isang iyon.” pagalit na saad niya rito.

“Alam ko.” sagot nito.

Natahimik siya. Sampung taon na niya itong nagugustuhan at halos buong kabataan na nito iyon, napakahabang taon na ang sampung taon at alam niya na mahirap na itong mabago pa. Alam niya na kung may pwede lang pumalit sa taong iyon pagkatapos ng mahabang panahon na iyon ay malamang sa malamang ay ginawa na sana nito.

Ang pag- ibig na sobrang lumalim na ay mahirap ng kalimutan at alam niyang hindi iyon basta- basta na lamang nawawala kahit na lumipas ang maraming taon dahil mananatili lamang itong naroon.

…

‘LUCAS alam mo ba sampung taon na kitang mahal? Ang taong sinasabi ko ay ikaw. Ikaw at wala ng iba pa.’ naikuyom ni Annie ang kaniyang kamay at sinabi iyon sa kaniyang isip.

Nakita niya na nagsalubong ang kilay ni Lucas tumingin ito sa kaniya at tila ba may iniisip.

“Annie…” biglang tawag nito sa kaniya.

“Hmm?” sagot niya rito.

“WALA.” umiling siya bilang sagot rito.

Bigla siyang napaisip na tila ba pakiramdam niya ay siya ang tintukoy ni Annie sa sinasabi nito ngunit iwinaksi na lamang niya iyon sa kaniyang isip. Napakaimposible na siya ang tinutukoy nito na lalaking mahal nito. Naaalala niya na noong ikakasal pa lamang siya ay sinabi sa kaniya nito na walong taon na niyang gusto ang taong iyon pero noong panahong iyon ay apat na taon pa lang silang magkakilala kaya sigurado siya na hindi siya iyon. Ibang tao ito.

…

Pagkaalis ni Lucas ay mabilis siyang bumaba sa kusina upang hanapin sa basurahan ang itinapon niya kanina na ultrasound picture. Mabilis niya rin namang nahanap ito at pagkatapos ay pinakinis ito sa ibabaw ng mesa upang itago niya ulit.

Pagkatapos niyang maayos ito ay bigla na lamang sumama ang pakiramdam niya at tila nahihirapan siyang huminga. Baka pagod lang ako, sabi niya sa kanyang isip kaya naisipan niyang pumunta sa sala upang magpahinga. Kaagad siyang nahiga sa sofa at hindi niya namalayang nakatulog na pala siya.

Hanggang sa bigla na lamang nag- ring ang kanyang cellphone na dahilan ng pagkagising niya. Agad niyang sinagot ang tawag.

“Hmm…” sagot niya dahil hindi pa rin siya lubusang gising at namumungay pa rin ang kaniyang mga mata.

“Natutulog ka pa rin?” bumungad sa kaniya ang tinig ni Lucas na napaka- banayad na katulad pa rin ng dati.

“Kakagising ko lang.” sagot niya rito.

“Malapit ng magtanghali tandaan mo, bumangon ka na at kumain. Naibigay ko na pala kay Kian ang regalo ko at ihahatid niya ito mamaya.” sabi nito.

Agad na napakunot ang noo niya ng marinig niya ang sinabi nito. “Regalo? Anong regalo?” wala sa sariling tanong niya rito.

“Regalo para sa ikalawang anibersaryo ng kasal natin. Hindi naman porke’t nag- file ako ng divorce kaninang umaga at hindi pa naman ito natatapos kaya kinikilala pa rin kita bilang asawa ko at alam ko pa rin naman ang mga obligasyon ko sayo. Kung mayroon kang gusto pa ay sabihin mo lang sa akin.” sabi nito.

Napabuntung- hininga siya dahil sa sinabi nito. Bakit ba kasi ito ganito, napaka- maalalahanin ito at napaka- perpekto, wala man lang siyang makitang mali rito. Ang mali lang ay hindi siya nito nagawang mahalin.

Nahila siya mula sa kaniyang pag- iisip nang marinig niyang muli ang tinig ni Lucas.

“Gusto kong humingi sayo ng pasensiya dahil nagkaroon ng kaunting problema sa regalo kaya binigyan kita ng isa pa.” sabi nito.

“Okay. salamat.” simpleng sagot niya rito at hindi niya alam ang mararamdaman niya ng mga oras na iyon.

Bigla niya tuloy naalala na noong nakaraang buwan ay pumunta sila sa isang jewerly auction kasama ito. May isang pares ng jasper na hikaw sa auction na tumugma sa jade na bracelet na ibinigay ng lolo nito sa kaniya noo. Emerald green ang mga ito, magaganda sa kaniyang paningin at hindi niya maitago na nagustuhan niya ang mga iyon sa unang tingin pa lamang niya.

Hindi niya alam na naka- plaster pala sa buong mukha niya ang pagkamangha niya sa mga iyon kaya biglang sinabi sa kaniya ni Lucas na, “kung gusto mo ay ikukuha kita ng katulad ng mga iyon.” sabi nito.

Napailing siya. “Huwag na. Masyadong mahal ang mga iyon.” 

Sa kabila ng pagiging kasal nila kahit na may kasunduan sila ay nahihiya pa rin siyang gumastos ng malaking pera lalo na at pera iyon ni Lucas na kung tutuusin ay hindi niya naman pinagpaguran.

“It will be our second anniversary soon, kaya isipin mo na lang na regalo ko iyon sa iyo at kung nahihiya ka na tanggapin iyon bakit hindi mo na lang ako bigyan ng regalo bilang kapalit.” nakangiting sabi nito sa kaniya at sa hindi inaasahan ay nagkaroon nga siya ng ireregalo sana rito.

Ngunit dahil sa hindi inaasahang pangyayari ang inihanda niyang regalo sana niyang inihanda rito ay nasira dahil lang sa pagbanggit nito ng diborsyo. Hindi niya tuloy maiwasan na tila ba nararamdaman ng Diyos na walang mangyayari sa kanilang dalawa at iyon na ang tamang oras para maghiwalay sila.