Chapter 10

It was a meeting! All the way here, mali pala ako ng iniisip. Akala ko pa naman kaming dalawa lang ang kakain sa restaurant na ito. Buti nalang hindi ako nagtangkang magtanong sa kanya kung date ba ito dahil isang kahihiyan na naman sayo Kiarah!

“Hi, you must be Kiarah Chelz Maurer.” Nagtaka naman ako kung bakit niya ako kilala kaya napatingin ako kay Kyle na ngumisi lang sa akin.

“Yes, Sir.” Sagot ko sabay nag-aalinlangan kong abot sa kamay nito at ngumiti sa kanya.

“I’m Ted Alex,” pakilala nito sa akin.

“Nice to meet you, Sir.” Sabi ko naman at iminuwestra niya sa aming dalawa ni Kyle ang upuan.

Kaharap namin siya pareho ni Kyle.

Siguro hindi nalalayo ang agwat ng edad nito sa Daddy ko base sa physical appearance nito. Nakapang-opisina ito ng suot. Mukhang kagagaling lang din sa kompanya niya. May suot itong salamin at makikita mo ang mga wrinkles nito sa noo.

“Let’s get down to business,” agad na sabi ni Kyle pagkaupo nito.