Chapter 18: Stepsiblings

“MIMI?”

Napaigtad si Caroline nang marinig ang tawag na iyon ng bunsong anak buhat sa likuran nila. Mabilis niyang pinunasan ang mga luha bago tinapunan ng tingin ang lalaking katabi ‘saka nila sabay na nilingon ang paslit.

“What did you do to my mom, Tito?” masungit at tuwid na tanong ni Lottie nang makalapit ito sa kinaroroonan ng dalawa. Umikot ito sa harapan ng dalawa at agad na niyakap ang ina. “Niaaway mo mimi ko?” Masama ang tinging ipinukol nito kay Timothy.

Napaawang ang mga labi ng lalaki at nanghihingi ng saklolo ang tingin kay Caroline.

“No, sweety. Hindi niya ako inaaway.”

“Then why are you crying, Mimi?” Tiningala nito ang ina at pinunasan ng maliliit nitong kamay ang namamasa pang mukha ni Caroline.

Hindi alam ni Caroline ang isasagot sa anak. Nagpakawala siya nang malalim na buntonghininga at akma nang magsasalita nang unahan siya ni Timothy.

Matiim na tinitigan ni Timothy ang bunsong anak nila. “Your mom is worried about her work. Hindi na kasi siya magiging tutor ni