CHAPTER 70

THIRD POV

"Mama, nabalitaan mo na ba? Nasusunog ngayon ang building kung saan nakatira si Emerald."

Lihim na napangiti si Haidee dahil sa narinig mula sa kaniyang anak. Matagal na niyang nais mawala sa landas ang anak ng kaniyang asawa. Ngayon lang niya tuluyang naisagawa ang plano sapagkat iyon ang tamang pagkakataon na muling palabasin na aksidente ang pagkamatay nito.

"Hindi ko alam ang mararamdaman ko, Mama. Ang sabi kasi ay na-trap sa building na 'yon si Emerald."

Tumingin si Haidee sa anak at bahagya siyang nagulat dahil may bakas ng pag-aalala mula sa dalaga. Hindi iyon ang inaasahan niyang magiging reaksyon nito.

"Huwag mong sabihin na nag-aalala ka sa babaeng iyon?" hindi makapaniwalang tanong niya.

"Mama, galit ako sa kaniya pero ang inaalala ko ay si Papa. Masakit man sa akin ngunit alam kong masasaktan si Papa kapag nawala si Emerald," malungkot na sagot sa kaniya ni Brenna.

Huminga ng malalim si Haidee at saka nilapitan ang anak. Marahan niyang hinaplos ang buhok nito. "H