CHAPTER 74

THIRD POV

“Nasaan si Trevor?” tanong agad ni Carlo nang makarating siya sa dining area ng kanilang mansion. Naabutan niya doon si Anna na nakaupo na at hinihintay siya.

“Tinawagan ko na siya at ang sabi niya ay mag-oovertime siya sa opisina,” seryosong sagot sa kaniya ng asawa.

Isang buntong hininga naman ang pinakawalan ni Carlo. Hindi na niya alam kung anong gagawin sa panganay niyang anak. Simula kasi nang mawala ang asawa nito ay hindi na rin nila ito masyadong nakakausap. Lagi lamang itong nasa opisina at bibihira na niyang makita. Noong una ay hinahayaan niya lang muna ito dahil binibigyan niya ito ng panahon para magluksa. Ngunit ngayon ay ikinakabahala na niya ang inaakto ng anak.

“Just give him some time, Carlo,” dugtong na sabi ni Anna na nagsimula nang sumandok ng pagkain.

“Until when? Hindi siya maaaring maging ganoon habangbuhay,” iiling iling na sabi naman niya.

“Mahal na mahal niya si Emerald ngunit makakalimutan din niya ito. Bata pa naman siya kaya paniguradong makaka