Chapter 102

“So tell me about your father,” tanong ni Rem. “Saan siya nagta-trabaho? At saan ka nakatira? Gabi na ah? Tapos babae ka pa. Alam mo ba delikado itong ginagawa mo?”

Napanguso si Marian sa sunod-sunod na tanong ni Rem sa kaniya. Kumakain pa rin siya ng lomi at napapangiti kapag nasasama ang malilit na sahog sa pagkain niya ng noodles.

Naghahanap siya ng tamang salita para simulan ang kwento niya.

“Hindi talaga kami mapirmi ni mama dito sa Pilipinas. Nagbakasyon lang kami tapos babalik rin America. Hinihintay lang namin si lola na makauwi para sabay kaming babalik ng ibang bansa.”

Napatango si Rem, masinsinan na nakikinig sa bata.

“Hindi ko pa nakikilala ang papa ko kaya hinahanap ko siya. So hindi ko alam anong trabaho niya.”

Napabuntong hininga si Marian.

“Alam mo ba saan siya nakatira ngayon?”

Umiling si Marian. “Hindi po e.”

Kumunot naman ang noo ni Rem.

“Hiwalay ba ang parents mo?”

Umiling ulit si Marian. “No. Sabi ni mama e kasal pa rin sila ni papa. Kaya lang, sabi niya