Kabanata 62 Painful Regret

Napaatras si Ethan palayo. May kanser sa utak si Hanna? May taning na ang buhay nito? Sanay siya sa sakit ng damdamin na dulot ng mga taong itinuring niyang pamilya noong bata pa siya hanggang magbinata. Pero ngayon lamang niya naramdaman ang ganitong uri ng sakit. Pinigil niya ang sariling lapitan ang asawa. Ayaw nitong ipaalam sa kanya ang kalagayan. Hindi muna niya sasabihin dito na alam na niya. Hihintayin niya muna itong makapanganak bago niya kausapin. Lalaban silang dalawa. Kahit kamatayan ay tatalunin nila. Hahanap siya ng pinakamagaling na ospital kahit saang lupalop pa ng mundo. Hindi siya papayag na mawala si Hanna.

Lumabas siya ng ospital. Kailangan niyang lumanghap ng sariwang hangin. Tumakbo siya ng matulin sa park sa labas. Naka-ilang ikot siya. Tila kinakapos siya ng hininga ng tumigil. Kailangang maalis ng labis na emosyon. Kailangan niyang maging matatag. Inayos niya ang sarili bago muling bumalik sa clinic.

Pawisan siya ng dumating sa klinika. Magkaharap sa table na