KABANATA 50

Napagkaisahan nga siya. Kaya naman pala hindi ganoon kagalit ang Daddy niya sa conference meeting na kasama si Sir Hector. Hmp!

Tinulungan niya ang triplets na maglagay ng mga maleta sa likod ng sasakyan.

"Mama, malaki house ni Daddy?" excited pang tanong sa kanya ni Oli.

"Malaki—"

"Woah! May malaking garden, Mama?!" mas excited na tanong ni Taki na hindi man lang pinatapos ang pagsasalita niya.

"Rerequest ako isa-isa kwarto natin," dagdag pa ni Amber sabay hagikhikan ng mga ito.

Naningkit ang mga niya sa tatlo. Mga paladesisyon din katulad ni Sir Hector!

Bakit parang nagpalaki siya ng mga bata para kay Sir Hector? Naalala niya, nahuli din agad ni Sir Hector ang kiliti ng kambal noon lalo na si Ody. Ngayon, ganoon pa rin, kapag desisyon ng mga anak niya, talo siya.

"Pasok na kayo sa loob. Tatawagin ko ang Daddy niyo," utos niya sa mga ito na tumalima.

Pagkasara ng compartment sa likod ay binalikan niya ng tingin si Sir Hector. Nawalan na siya ng lakas magreklamo o mag-inarte, ang endi