Kabanata 12 : Match Making

"Ba't nakabusangot ka?" tanong ko kay Marcia na parang binagsakan ng bulalakaw sa mukha dahil sa masama nitong timpla.

Bukod sa natalo s'ya sa laro namin ay alam ko rin ang totoo dahilan para sumama pa lalo ang mood n'ya. Syempre, kailangan kong magmaang-maangan na wala akong alam para magkwento s'ya sa akin.

"Nakita ko kanina si Willard," sagot n'ya.

Willard?

"Mukhang close na kayo ah. First name bases ka na sa kanya. Wala nang sir-sir," pang-aasar ko dahilan para samaan n'ya ako ng tingin.

"Huwag mo akong simulan, Pixie. Akala mo ba hindi ko alam na may something kayong dalawa ni Wayde."

Nanlaki ang mga mata ko nang makita ang mapang-asar na ngisi ni Marcia. Nanigas ako sa kinatatayuan ko at nabitawan ko rin ang tulak kong cart na naglalaman ng malalaking box kung saan nakalagay ang mga pinamili namin.

Bago pa man gumulong palayo sa akin ang cart ay nahawakan na ito ni Marcia.

"Hahaha! Na-shock ka noh? Sa dami ba naman kasi ng lugar kung saan kayo pweding maglandian ay n