Kabanata 12

"Mama, gising!"

Naalimpungatan naman si Leah ng maramdaman niyang niyuyugyog siya ng anak niya na si Carlo.

Pero hindi pa rin binubuksan ni Leah ang mga mata niya dahil sa inaantok pa siya. Hindi kasi siya makatulog kagabi dahil hindi niya malimutan ang nangyaring paghatid sa kanya pauwi ni Troy.

Kaya heto siya ngayon ay antok na antok.

"Mama, gising! Nasa baba si Daddy Ariel!"

Napabalikwas naman agad ng bangon si Leah ng marinig ang pangalan na "Ariel".

"Ariel?"

Tiningnan niya ang anak niya na nakaupo sa hita niya at masayang nakangiti.

"Nasa abroad ang Daddy Ariel mo, baby. Kaya h'wag kan---"

"But, Mama. Nasa baba talaga si Daddy Ari---"

"Carlo, gising na ba mama mo?"

Napatingin naman si Leah sa may pinto ng magbukas iyon. Hindi niya alam ang gagawin niya ng makilala ang isang lalaki na naka-puting polo at may suot na apron sa harap ng pinto niya.

"Daddy Ariel! Gising na si Mama. Ayaw niyang maniwala na nandito kana."

Doon lang natauhan si Leah ng magsalita ulit ang anak ni