Kabanata 29

Balik trabaho na ulit sila Leah matapos ang kanilang outing sa Boracay. Naging busy ulit sila dahil sa maraming naiwan na mga gawain at may bago pang kleyente.

Maglilimang araw na ang nakakalipas ng humingi ng permiso si Troy sa kanya na manligaw. Wala naman siyang naisagot dito. Ngunit ng malaman niyang handa itong bumawi sa kanila ni Carlo ay hindi niya mapigilang makaramdam ng saya.

Nang mangyari ang gabing iyon ay araw-araw na siyang binibigyan ng bulaklak ng binata. Tulad na lamang kanina, may nakita na naman siya sa desk niya na isang rosas. Halos mapuno na ang isang vase niya sa bahay nila dahil sa tatlong beses na siyang nakakakita ng rosas sa desk niya sa isang araw.

Hindi niya na kailangan manghula dahil alam niya na kung sino ang nabibigay ng mga iyon. Si Troy. Hindi niya alam kung magiging masaya ba siya dahil sa determinado itong makuha ulit ang loob niya, ngunit aaminin niyang kinikilig siya sa mga ginagawa nito.

Hindi niya pa rin nakakausap si Ariel simula ng may tum