Chapter 13 - Palagi Na Lang

Isang linggo ang dumaan. Walang nagbago sa pakikitungo sa kaniya ni Audric. Hindi rin siya nito napilit na umalis kasama si Lucas. Nagpaalam na rin ang lalaki pero nangako itong babalik agad. May aasikasuhin lang daw itong kaso. Isang attorney si Lucas at may sarili itong firm na pinapatakbo. Hindi rin basta-basta ang pamilyang pinagmulan ng binata, mayaman ang pinagmulan nito at linya ito ng mga attorney at pulis.

Isa sa hindi niya nakalimutan na sinabi ni Lucas ay ang hanapin minamadali nitong hanapin ang taong gumawa kay Audric. Ang sabi nito, oras na malaman nito kung sino ang taong nasa likod ng pagkabulag ng kaniyang asawa, paparusahan nito. Dahil hindi raw siya maghihirap din ng ganito kung una-una hindi nabulag ang mata ni Audric.

May punto si Lucas. Wala siya sa tabi ng kaniyang asawa ngayon kung hindi ito nabulag. Nasa bisig ito ni Ivony at dapat sana masaya ang dalawa ngayon. Pero dahil sa isang pangyayari, nawala lahat iyon. Nawala para sa lalaki pero para kay Ffion, isa iy