The Mafia Boss Wrath 6

“Kung ito kayang kulay ng necktie ang suotin mo Sir?”

Inabot ng dalaga ang kulay itim na necktie sa binata. Inutusan siya ng binata na maghanap ng susuotin para sa pagpasok sa opisina. Kung siya kasi ang tatanungin ay lahat ng mga kasuotan na nasa kabinet ng binata ay puro magaganda. Dahil lahat naman ng kulay ay bagay sa binatang CEO, hindi maintindihan ng dalaga kung bakit sobrang arte nito sa mga kasuotan.

“I think,” sinundan ng dalaga ang itinuturo ng hintuturo ng binata. Tumigil ang paningin niya sa kulay itim na necktie, “ this one.” pagkasabi ng binata ay kaagad na lumipat ang hintuturo nito sa kulay grey na necktie. Nagpupuyos namang kinuha ng dalaga ang itinuro ng binata.

Nang mahawakan niya ito ay kaagad siyang lumapit dito, upang isuot na ang necktie sa leeg ng binata. “ Ito na po ba talaga?” tanong ng dalaga dito. Gusto niyang kumpirmahin muna sa binata kung ito na ba talaga ang necktie na gustong gamitin.

Tumango lamang ito, matapos niyang ilagay ang necktie sa