Chapter 2: Wildest Dream

I am home for a month now. Masasabi kong sulit na sulit na ang bakasyon ko bago ako magsunog ng kilay sa eskwela. This year’s summer vacation is by far the best summer vacation I have had.

Nagpunta kami ni Hannah sa isang private island resort para mag-relax bago ang pasukan and we really enjoyed ourselves, lalong lalo na ang best friend kong si Hannah Banana dahil feeling niya na-meet na niya noong summer ang ‘The One’ ng buhay niya.

I was scanning photos taken at the Villa Sandejas, iyong private island resort na pinuntahan namin. I could not help but smile when I was able to scroll at a photo of the beautiful blue water of the sea. That photo reminded me of a one heck of an experience.

**************

Summer

Nakahiga ako sa duyan na nilililiman ng mga puno ng niyog. Relax na relax ako habang in-e-enjoy ang sariwang simoy ng hangin at pinapanood ang napakaganda at payapang dagat sa harapan ko.

Malinaw ang tubig ng kulay asul na dagat at nakakaaliw ang pinong-pino at kulay puting buhangin. Matatayog rin ang mga palm and coconut trees sa paligid na umiindayog sa tuwing umiihip ang sariwa at malamig ngunit banayad na simoy ng hangin.

Maaliwalas ang kalangitan at masarap pakinggan ang naggagandahang huni ng ibon sa paligid. I had my shades on para hindi ako masilaw sa liwanag na dala ng haring araw. As a ‘Welcome Home Gift,’ Kuya Red gave me a vacation trip here in Villa Sandejas.

Villa Sandejas is a private island in Luzon, which is a three hour boat ride from the main island of Ilocos Norte. May sariling ferry ang Villa na siyang magdadala ng mga guests dito sa isla mula sa pier. But if you’re feeling a bit more fancy, a good ol’ helicopter ride will get you here in only a couple of minutes.

Ayon sa information na nakuha ko sa Internet, maraming local and international celebrities ang nagpupunta rito. Malayo kasi sa maingay at magulong mundo ng totoong buhay. Villa Sandejas is the perfect place to go if you want to enjoy peace, nature and luxury.

Kontrolado ang dami ng tao na nakakarating sa isla dahil ang operation nila ay on reservation basis lamang. Hindi rin basta-basta ang makakuha ng reservation dahil kailangan mong makipag-unahan. Iyong iba nga kinailangang magpa-reserve one or two years before the vacation. Swerte lang ako kasi may kapatid akong galanteng magregalo kahit na medyo babaero.

“Lorryce!”

Napabalikwas ako noong marinig ko ang napakalakas na pagsigaw ng pangalan ko. Ginambala ng napakatinis niyang boses ang aking pagmumuni-muni.

“Easy Hannah, naririnig kita. Ano bang problema mo?” salubong ko sa kanya. Sa lakas ng boses niya, siguro kahit nasa kabilang isla ako ay maririnig ko ‘yong sigaw niya.

“Eh, kasi naman! I saw him na! Yeeeeiiipppp!” she giggled.

Ang singkitin niyang mga mata ay halos bumilog na. Kitang-kita sa mga ito ang excitement. Kapansin-pansin din ang pamumula ng mala-porcelana niyang kutis. Hindi lang pisngi ang namumula, as in buong katawan. Kapag gano’n na ang hitsura niya, ibig sabihin mataas ang lebel ng kanyang emosyon.

“Who?” I curiously asked

“The One!”

‘Di ko napigilang kumunot ang noo sa sinabi ni Hannah. “The who?” muli kong tanong sa kanya.

“The One!”

Umikot na lang ang mga mata ko kay Hannah. Akala ko naman kung ano. “Ewan ko sayo,” sabi ko saka bumalik sa pagkakahiga ko sa duyan.

“Grabe ka naman Lorryce! Akala ko ba BFFs tayo, eh, bakit parang hindi ka naman masaya para sa akin. Dapat sinasamahan mo na akong magbunyi dahil nakita ko na ‘yong ‘The One’ for me!”

Heto nanaman po kami. Ilang beses ko na bang na-witness si Hannah na hindi magkamayaw dahil nakakita ng gwapo? Hindi rin naman tumatagal ang pagkabighani niya, eh. Kumbaga sa pagkain, takaw-tingin lang si Hannah sa mga boys. Pero sige na nga, malay mo naman, ito na talaga si ‘The One.’

Itinaas ko ang aking ulo para balingan ng tingin si Hannah. “Okay. ‘The One?’ Sige nga, saan mo naman nakilala ‘yang ‘The One’ mo?” tanong ko.

“Ganito kasi ‘yan, kanina naglalakad ako palabas ng shower room. Tapos… Tapos… Tapos biglang niyang… tinabig ‘yong puso ko, nahulog tuloy sa kanya. Grabe BFF, ito na ‘yon! Ito na talaga ‘yon. Nagkatitigan kami tapos ayun na! Love happened. Aaaahhh! Nakakakilig, ‘di ba!”

Nakatingin lang ako sa loka-lokang best friend ko na halos ma-ihi na sa sobrang kilig. Hindi ko mapigilang matawa sa kanya.

“Hannah, mukhang malala na ‘yang tama mo, ah. Patignan na natin ‘yan BFF. Ipa-rehab kaya kita,” panunukso ko.

This time, siya naman ‘yong umikot ang mata sa akin.

“Hay naku Lorryce, ewan ko sa’yo. Pero tama ka, malakas nga ang tama ko sa kanya. Hahaha. Papayag akong magparehab, basta ma-confine ako sa piling niya, aaaayyeee chihcihci.”

Napa-iling na lang ako sa babaeng lutang sa harapan ko. Ano kayang tinira nito? Pahingi ako.

“Woohhhooo. ‘ma-confine sa piling niya’ ka diyan. Baka kapag nalaman mong marami pala kayo sa piling niya, masaktan ka lang,” hamon ko.

“Ai, tignan mo siya, oh. Ang bitter. Maniwala ka naman sa pag-ibig,” sabi niya.

“Pag-ibig agad? Hindi mo pa nga nakikilala, pag-ibig agad? Ai, oo nga, InstaLove na nga pala ngayon. Hwag kang mag-alala, lilipas din ‘yan, Hannah.”

“Ah! Whatever,” she said while waving her hand to brush off my retort.

“Oh my god!” narinig naming ang pabulong ngunit namamanghang bulalas na iyon.

“Is it me or summer just got hotter?”

Napalingon kami ni Hannah sa mga babeng nag-uusap sa ‘di kalayuan. Parehong halos malaglag ang panga ng dalawang babae. Ang isa sa kanila ay nakahawak pa sa kanyang dibdib na tila ba naghahanda siya para saluhin ang kanyang puso sakaling lumabas iyon mula sa kanyang katawan. Nakaturo naman sa dagat ‘yong kasama niya.

Nagkatinginan muna kami ni Hannah bago namin sabay na tinignan kung saan nakaturo ang babaeng iyon. Tulad nila, halos malalaglag rin ang mga panga namin ni Hannah Banana noong nakita namin ang isang lalaki na umaahon mula sa dagat.

Jusmiyo Marimar!

Ito ba ‘yong feeling ni Taylor Swift noong sinulat niya ‘yong, “he’s so tall, handsome as well. He’s so bad but he does it so well?”

Parang siyang naka-slow motion habang naglalakad papalapit sa pampang. Tumuwid ako ng upo at napatanggal ng shades para mas maayos kong masilayan ang lalaking iyon. Alam kong summer ngayon pero masyado naman na yatang mainit.

Kapansin-pansin ang matikas and magandang hubog ng katawan ng lalaking iyon. Hindi siya iyong tipong tatad ng muscles na parang body builder pero hindi rin naman siya sobrang payat. He’s got an athletic built with all his muscles in the right places. He was as if showing off his toned biceps while running his hands through his jet black hair, at the same time giving the ladies more leeway to take in the sight of his six pack abs. Nakadagdag pa sa sight of manliness ang kanyang sun-kissed skin.

Partida, malayo pa lang ‘yan, maglalaway ka na. Papaano pa kung lumapit.

“BFF! Nasa langit na ba ako?” namamangha kong tanong.

“Aray!” halos mapatalon ako sa sakit ng pagkakakurot ni Hannah Banana sa tagiliran ko.

“Did that answer your question?” she simply asked without taking her eyes off of the guy on the beach.

“Yeah,” I answered. Muli kong binalingan ng tingin ang lalaking iyon.

Grabe, para siyang magnet. Lapitin ng chix.

Mula sa kina-uupoan ko, kitang-kita ko ang pagpapapansin sa kanya ng mga babaeng nadaraanan niya.

Candidate number one!

Napatanggal ng balabal ng wala sa oras ang isang babae. She is wearing a red, backless, halter one piece swim suit. Sexy siya, in fairness. Ang liit ng waist line, tapos lumalaban rin ang boobs and booty. Halatang pinaghirapan ang katawan. Kahit saang angulo ko tignan walang bahid ng silicon.

Ngiting wagi ang lola mo noong napatingin sa kanya ang lalaki. She smiled at him. She even gave him a small wave, but I was surprised to see him walk past her without responding to her flirty guestures.

Hindi effective kay kyah ‘yong pang-FHM na katawan ni Little Miss Red Swimsuit. Mukhang masyadong mataas ang standards niya.

Candidate number two!

Baka ito pumasa. Matangkad si candidate number two. She is wearing a flowy maxi skirt na may mataas na slit. Pinaresan iyon ng puting lace string cropped top at beach hat na nakadagag sa class. Hinahangin-hangin pa ang skirt niya habang naglakad siya para salubungin ang lalaki.

Her long firm, tanned and flawless legs are peeping from the slit of her skirt. Sinadya niyang banggain ang lalaki, umakto pa itong natumba sa buhangin. The guy immediately helps her up. She is able to get the guy to talk to her. I can’t really make out what they talked about pero ilang segundo lang ang itinagal ng pagu-usap nila before he walked past her and never looked back.

Hindi rin effective ‘yong pang-Miss Universe na long legs ni ate girl.

Candidate number three!

She stands in the way of the guy, sinigurado niyang pumwesto siya sa isang lugar kung saan kitang-kita siya ng lalaki. She is wearing a black two piece crisscross, highwaisted swimsuit. The guy stopped when he saw candidate number three blocking his way.

She took that as a cue to let down her hair which was previously tied in a messy bun. She delicately shook her head to let her hair do the trick of seduction. Her beautiful face was complemented by the beach waves of her long brown hair, which was enhanced by caramel highlights.

I watched in anticipation if she will be able to succeed in seducing him. In the end, nothing happened. Just like what happened with the first two girls, waley rin ang pretty face at mala-shampoo commercial model na moves ni candidate number three.

“BFF! Yummy! Kaso Lorryce, suplado,” commento ni Hannah.

“I know right.”

Marami pang mga girls ang nangahas kunin ang atensyon ng lalaking iyon, pero walang nagtagumpay. Kasi naman, ang lalaking iyon pa yata ang Hari ng Dedma. Napa-isip tuloy ako. Artista kaya siya? Ang gwapo, eh. Sabi nga ni Hannah ‘yummy.’

Speaking of Hannah.

Napatingin ako kay Hannah na titig na titig pa rin sa lalaki kaya napangisi ako.

Siniko ko siya pero nakapako pa rin ang tingin niya sa lalaking iyon, “huy, anong nangyari kay ‘The One?’ Kinalimutan mo na agad? Naglalaway ka na yata diyan kay Mr. Yummy, ah,” pangbubuska ko pa.

“Grabe ka. I’m just admiring his yumminess. Ang puso ko ay para pa rin kay ‘My The One and Only,’” she simply said while still admiring Mr. Yummy.

Whatever.

Humiga na lamang akong muli sa duyan at nilanghap ang sariwang hangin.