Chapter 29

29

Nakarating kami sa lugar nila Misha, agad naming ipinagtanong kung saan ang kanilang bahay. Malapit sa dagat ang mga kabahayang pinagtanungan namin at rinig na rinig ko ang alon na humahampas sa dalampasigan.

"Tsk, hindi niyo naman sinabi na ganitong lugar pala ang pupuntahan natin." Nagmamaktol na sabi ni Sir Xyver, nakasoot pa kasi ito ng pang opisina kaya halos siya ang pinagtitinginan ng mga taong nadaraanan namin.

Pare pareho naman kaming natawa dahil sa sinabi niya.

"Sana kasi nagtanong ka." Pang aasar naman dito ni Sir Kyros. Napailing na lamang si Lucian at Sir Helios.

Tatlong sasakyan ang ginamit namin. Magkasama kami ni Lucian sa kotse niya, si Jessie at Kyros naman ang magkasama. Samantalang kasama naman sa kotse ni Shiela sila Sir Helios at Sir Xyver. Ayaw niya raw sumabay sa amin dahil baka masuka lang daw siya. Tinawanan nga lang siya ni Jessie kanina.

"Dito na ata iyon." Sabi ni Jessie ng marating namin ang tapat ng bahay na itinuro sa amin. Isa itong tipikal na baha