Chapter 58

58

"Tay! " Mabilis akong lumapit kay tatay na ngayon ay kausap sila Shiela.

"Hi Lyrica! Isinama kami nila Sir Helios." Nakipagbeso ito sa akin pati na rin si Hyna.

"Oo nga! Buti na lang, nakatikim rin kami ng day off sa opisina." Nakangiting sabi ni Hyna.

"Ikaw hija, buti na lang at ang kuya mo pala ang boss mo. Hindi ka naman siguro niya tatanggalin sa trabaho dahil biglaan kang umuwi." Natatawang sabi ni tatay.

T

"Ikaw talaga tay, aasarin mo din ako e." Napabuntong hiningang sabi ko. Mas lalo lamang siyang natawa sa akin.

"Hindi naman hija." Umiiling na sabi ko.

"Nakakatuwa po talagang asarin minsan si Lyrica. " Tumatawang sabi ni Shiela.

"Teka nga pala, bakit wala sila Jessie at Sir Kyros? " Tanong ko.

"Baka bukas na raw sila. May inaasikaso pa kasi si Sir Kyros sa opisina niya." Sabi sa akin ni Shiela.

"Oo nga, rinig ko nga kanina. Nabubugnot pa nga siya dahil hindi siya makakasabay sa amin. Alam mo naman iyon isa ring tsismoso." Dagdag pa ni Hyna kaya naman napatawa na lamang ak