Chapter 59

59

Naging maingay ang maghapon namin sa bahay, hindi naman nakakailang na naririto sila Kuya Helios dahil hindi sila maseselan. Tuwang tuwa nga sila sa poso namin, doon sila naligong magkakaibigan at ipinag igib naman nila si Hyna at Shiela.

"Hay, tatay Mario. Ang tahimik po rito sa inyo ano? " Natutuwang sabi ni Shiela.

"Oo naman hija, magkakalayo kasi ang mga bahayan rito. " Napangiting sabi ni Tatay.

"Ganito rin po ang gusto ko. Ang hirap din kasi sa Maynila. Ang ingay na ang usok pa, parang ang sikip sikipa na doon." Tumatawang sabi ni Shiela.

"Lyrica, can we talk? " Bigla namang lumapit sa akin si Lucian. Ngayon lang siya ulit lumapit sa akin simula ng dumating sila kanina. Tumango lamang ako sa kanya.

"Tatay Mario? Pwede bang lumabas muna kami ni Lyrica? "

"Ay idedate naman pala! " Kantyaw sa kanya ni Sir Xyver. Masama naman siyang tiningnan ni Lucian kaya natawa na lamang ako.

"O siya sige hijo. Agahan niyo lang ang uwi, sabay sabay na tayong maghapunan ha? "

"Opo tay, salamat p