Chapter 24

Trash

PABALING-baling pa rin si Dynee sa kaniyang higaan. Nakapikit ang mga mata niya at pinipilit makatulog ngunit ang diwa naman niya ay gising na gising pa rin. Nang sumagi sa kaniyang gunita ang paghalik sa kaniya ni Oliver ay tuluyan na siyang napaupo sa kaniyang kinahihigaan. She tried to drink a glass of milk upang dalawin na siya ng antok, ngunit wala pa ring epekto.

“Hindi maaari ito!” Napatayo siya at nagpabalik-balik ng lakad sa loob ng kaniyang silid. “Paano ako haharap sa kaniya bukas? Kanina ay naiwasan ko siya dahil sa busy siya sa magkasunod niyang meeting. . . pero. . . Ugh, bakit kasi niya ginawa ’yon? Ang tigas naman kasi ng ulo ko. Sabi niya tumahimik na ako. Ako naman na tanga hindi sumunod sa kaniya,” pagkausap niya sa sarili. “Ano Dynee? Mahaharap mo ba siya bukas na parang walang nangyari kahapon? As if hindi ka niya pinagkalooban ng isang halik?”

Napailing na nagpabalik-balik siya ng lakad. “Kung kahapon ay nalusutan ko siya. Pero bukas, paano kaya?” Bumuntong