Chapter 28

Stubborn

“No! Hindi ako susunod at uupo riyan!” Iwinakli niya ang kamay nito at lumayo nang kaunti rito.

Nakita niyang isinara nito ang nakaawang na pinto at lumapit muli sa kaniya. “For the last time, sit down, Dynee.” Pilit pa rin siya nitong pinapaupo at pinapakalma.

“Hindi mo ako mapapasunod! Huh, `di ba sabi ko sa ’yo na papatunayan ko na wala akong mali kahapon? `Di ba ’yon ang sabi ko sa ’yo?”

Huminga ito nang malalim. “Dynee, calm down, please. . .”

“Hindi! Kahapon sinigaw-sigawan mo ako sa mali na hindi ko ginawa. Hindi mo lang alam na pinapakalma ko pa ang sarili ko kahapon dahil sa letcheng Sasha na ’yon! Kahapon, nagtitimpi lang ako sa kaniya. Pero ngayon, hindi! Hindi ko na kayang magtimpi pa!”

“Calm down and lower down your voice. Hindi mareresolba ang problema kung nakataas ang boses mo. Come on—”

“Huh, talaga? Bakit ikaw? Ikaw lang ba ang may karapatang magtaas ng boses sa ating dalawa?! Hmm, dahil ba ikaw at si Sasha ang nakakataas sa kompanya na ito ay aapakan ninyo