Chapter 36

Yes

“Ah, late na late na ako. Look, 09:00 AM na. Hinahanap na ako ng boss ko sa office.” Paalis na sana siya nang hinarang naman siya ng mga kaibigan sa labas ng bahay nila.

“Sinagot mo na ba siya?” tanong ni Fina.

“Alam ba niyang birthday mo ngayon?” Cupcake.

“Parehong hindi ang sagot,” tugon niya na ikinairap ng mga ito.

“Susme! Kailan mo pa ba sasagutin? Magbabagong taon na, ah. Wala ka pa ring jowa. Isa pa, ilang linggo na ba ’yang nanliligaw sa ’yo?” ani Fina sa kaniya.

“Kaloka kang babae ka, huh. Sagutin mo na. Huwag ka nang paere-ere diyan. Alam naman nating type mo rin `yun, eh.” Bumuka ang bibig niya upang sumagot ngunit inunahan muli siya nito. “Sus, Dynee, huwag na huwag mo nang ikaila dahil kita sa kislap ng mga mata mo. Isa pa, aantayin mo pang mapagod sa panliligaw `yun? Kung ako lang ang niligawan niyon, wala pang isang araw ay sasagutin ko na agad iyon. Hmp!”

“Tama,” sang-ayon naman ng isa.

Napailing siya sa dalawa. Oo, hindi niya tinago sa dalawa ang panliligaw n