Kabanata 63: She passed out

Sa kabilang banda ay kanina pa sinusundan ni Maximo si Joy. Gusto kasi nito itong makita ng personal, sa katunayan ay nasa bahay pa lang nito ito sa Bataan ay nakasunod na siya dito.

Hindi niya alam kung ano ang ginagawa doon ng babae at bakit umiiyak ito sa gitna ng kalsadang iyon. Nakatanaw lang siya dito sa di kalayuan habang lulan siya ng kotse niya, nang makita niya itong bigla na lang bumagsak sa gilid ng kalsada ay hindi na siya nag atubuli at dali-dali siyang lumabas ng kotse niya para tulungan ang kapatid niya.

Nang malapitan niya ito ay nakaramdam siya ng kakaibang kaba sa dibdib lalo na noong matitigan niya ang maamong mukha nito, para niyang nakikita ang sariling ina sa babae. Magkamukhang-magkamukha kasi ang mga ito pero isinantabi muna niya ang naramdaman niyang lukso ng dugo at mabilis niya itong binuhat at saka isinakay sa kotse niya para dalhin ito sa pinakamalapit na hospital.

Dinala ni Maximo ang babae sa isang private hospital at siniguro niyang ligtas ito bago ni