Chapter 54

NANG naramdaman niya na umalis na si Manuel. Tahimik siya umiiyak sa ilalim ng kumot na nakatalukbong sa kanya. Marami siyang katanungan sa kanyang sarili. Mga katanungan na gusto niya itanong sa kay Manuel na tanging ito lang ang makakasagot sa kanya.

Ngunit paano niya simulan ang maraming tanong niya? Dahil duwag at natatakot siya sa magiging sagot ni Manuel. Kaya niya bang tanggapin ang mga sasabihin nito sa kanya.

Gayon pa man ay alam niya sa kanyang sarili na hindi nagbago ang nararamdaman niya para sa binata. Pero bakit nagawa nitong ilihim ang kaugnayan nito sa Daddy Franco niya? Bakit hindi nito sinabi sa kanya ang tungkol sa pagkamatay ng Daddy niya? Gayun palagi naman sila magkakasama.

Aaminin niya na masama rin ang loob niya para sa Daddy Franco niya pero sa loob ng labing-siyam na taon ay nagiging mabuting ama ito sa kanya at pinaramdam nito sa kanya ang pagmamahal ng isang tunay na ama. Kaya nga hindi siya nagduda noon na ampon lang pala siya ng mag-asawang Calvajar. Ni