Chapter 57

BIGLA ay pakiramdam ni Yza ay binuhusan siya ng malamig na tubig. Dala ng sobrang takot niya sa sinabi ni Manuel na kaya nitong pumatay alang-alang sa kanya kung sino man ang magtangkang kunin siya mula rito.

Pakiramdam niya tila hindi ito ang Manuel na nakilala at nakakasama niya nitong mga nakaraan buwan. Tila bigla naging mabangis ito at naging ibang tao ang Manuel na nakatayo sa may harapan niya na may hawak itong baril.

Kusa naman nalaglag ang kanyang mga luha at nagsilandasan sa kanyang pisngi. Randam niya ang panginginig ng buong katawan niya, sa sobrang takot na nararamdaman niya nang mga sandaling iyon habang nakatingin sa baril na hawak ni Manuel.

Pakiramdam niya ay nagkaroon siya ng phobia sa baril.

Hindi pa rin tumitigil kung sino man ang kumakatok sa labas ng pinto.

Hinakbang ni Manuel ang mga paa nito palapit doon sa tapat ng pintuan. Hawak pa rin nito ang baril at ang daliri nito ay nasa trigger ng baril. Sumulip muna ito roon sa peephole ng pintuan.

Muli inilagay nito