Chapter 63

“SIGURADO ka na ba sa desisyon mo Yza?” Tanong ni Tiya Lucing na tinititigan siya ng mabuti. Tila ba sinusuri nito king talagang buo na ang kanyang desisyon.

Nagpaskil siya ng mabining ngiti sa kanyang mga labi. “Sigurado na po ako,Tiya Lucing. Tama po kayo ni April. Dapat harapin ko ang problema ko at hindi tinatakasan. Minsan na po ako nagkamali pero ano ang napala ko?” Huminga siya ng malalim atsaka pinakawalan din agad. “Mas lalong napahamak po ako. Mabuti na lang nandyan kayo ni April na naawa sa akin at kinupkop n’yo ako,” maluha-luhang sabi ni Yza.

Hinawakan ni Aling Lucing ang dalawang kamay ni Yza. “Talagang hindi na magbago ang isip mo,Yza? P'wede naman na dito ka muna para may kasama kami ni April.”

“Nay, paalisin mo na si Yza,” sabad naman ni April na kanina pa ito nakikinig sa usapan nila ni Tiya Lucing.

“April,” saway ni Aling Lucing.

“Ang ibig ko pong sabihin umalis na siya para makapag-usap na sila ni Manuel at maayos na nila ang problema nila sa isa’t isa kaysa pahir