Chapter 64

“HUWAG na, ako na lang ang bumalik sa condo unit niya. Ako naman ang nag-walk out.”

“That's my friend,” palatak sabi ni April. “Support ko ang buhay pag-ibig mo.” Turan nito na may malapad na ngiti nakapaskil sa mga labi nito. “Tawag na ba ako ng taxi?”

“Yes, please. Magbibihis na rin ako para sa gan'on makaalis na tayo.”

Tumayo siya mula sa inuupuan niya sa gilid ng kama. Hinakbang niya ang kanyang mga paa gamit ang saklay pa rin niya, patungo roon sa loob ng banyo, upang maligo at magpalit na rin ng damit.

Umalis na rin si April, para tumawag ng taxi doon sa labas nitong subdivision. Mahirap kasi kumuha ng bakanteng taxi dito sa loob ng subdivision. Madalas ang mga taxi dumadaan ay meron ng pasahero.

Ilang minuto rin ang nakalipas. Tapos na rin maligo si Yza at nakabihis na rin ng damit pang-alis.

Tinitingnan niya ang kanyang sarili sa harap ng salamin. Nakasuot siya ng maternity dress, halata na rin ang umbok ng tiyan niya. Masuyo niya hinaplos ang kanyang tiyan. Tila naramdaman n