Chapter 22

Nasa biyahe na silang dalawa patungo sa airport. Tahimik lang silang dalawa na magkatabi sa loob ng sasakyan. Ngayon ang alis nila patungo sa lugar kung saan sila magbabakasyon ng isang linggo. Sinabi na rin ni Callix kay Isabel sa wakas kung saan sila magbabakasyon. Hindi na niya hinintay pa na dumating sa lugar na 'yon. Pupunta sila sa probinsiya sa parteng timog para doon magbakasyon sa isang beach resort na pinupuntahan ng mga mayayaman kagaya ni Callix. Ni-rentahan niya ang beach resort na 'yon sa loob ng isang linggo at tanging silang dalawa lang ni Isabel ang nandoon. Hindi puwedeng mag-entertain ng ibang tao ang beach resort na 'yon dahil bayad niya ito sa loob ng isang linggo. Gumastos siya ng ilang milyon para doon.

May sariling private plane si Callix kaya 'yon ang sasakyan nilang eroplano patungo sa probinsiyang 'yon. Apat na bodyguards lang ang kasama nila sa pagbabakasyon na 'yon. Hindi naman kailangan na marami. Safe naman ang lugar na pupuntahan nilang dalawa kaya wal