44-Nurse

NAKASAKAY na si Sandra sa company car na maghahatid sa kanya sa mansion ng boss niyang herodes. Nagulat talaga siya nang makitang tumatawag ito. Aaminin naman niya na sobrang na-miss niya ito.

Pero ang walang hiya imbes mangamusta puro tanong sinalubong sa kanya parang ewan! Wala pa rin pinagbago. Akala niya sa pagkawala nito ng isang linggo ay may mabuting espiritu ang sumanib dito. Pero wala! Wala! Wala!

"Nandito na po tayo ma'am." Kalabit sa kanya ni Kuya Jaime. Kanina pa yata sila nakahinto at dahil naglalakbay ang kanyang isipan ay hindi niya ito napansin. Napilitan tuloy siyang kalabitin.

Nakakahiya!

"Ah, opo, salamat po Kuya." Mabilis siyang bumaba sa sasakyan. "Hihintayin n'yo po ba ako?" tanong niya pagkababa.

"Hindi na po ma'am, sabi rin kasi ni Mr.Villaflor na iwanan ko na po kayo rito," magalang nitong sagot.

Napatango na lang siya at pinaalis na ito.

Ano na naman kaya ipapagawa ng lalaking 'yon?

Nakabukas naman ang napakalaking pintuan na tila aabutin ng sampung taon ang