43-Sick

ISANG linggo na hindi pumasok si Aj. Mas ayos na 'yon para kay Sandra dahil wala siyang mukhang ihaharap dito pagkatapos niya itong gerahin.

Akala niya nga wala na siyang trabaho pero hindi naman siya hinarangan ng security at inihagis palabas.

Joke lang…O.A lang siya dahil sa pinanggagawa niya. Nasermunan pa tuloy siya ng mga kuya niya nang ikwento niya ang ginawa niya. Hindi naman niya pinagsisisihan ang mga sinabi. Ewan niya ba kung ano ang sumapi sa kanya at sinermunan ang boss niya.

Siguro, dahil pareho sila ng sitwasyon at ewan niya rin kung bakit nasasaktan siyang isipin na nahihirapan ito. Gusto niya itong tulungan makawala sa nakaraan.

"Ang lalim ng iniisip natin, ah." Nabalik siya sa kasalukuyan nang marinig ang boses ni Anthony. Napataas ang kilay niya nang makita ang apat sa kanyang harapan.

"What are you doing here?" Walang respeto niyang tanong sa mga ito. Kapag walang ibang tao ay walang dahilan para galangin ang mga ito.

"We're going to eat," sagot ni Kevin na itinaas