Chapter 14 - I Dare You

Matapos masabi nina Arman kay Malcov ang totoong pinaggagagawa nila ay walang imik na pinagmasdan lamang ni Malcov si Douglas na ngayon ay nakayuko na lamang at naghihintay ng sasabihin ni Malcov. Si Douglas ang tinaguriang kanang kamay ni Malcov pero siya itong nangungunang lumalabag sa utos ng kanilang 'gang rules'. Oras na malaman ito ng ibang gang ay malaking kahihiyan ito para sa buong BPG.

Maririnig ang malalim na pagbuntong hininga ni Malcov. Pinagmasdan niya si Douglas at iniisip kung bakit sinunod niya pa ang utos ng dating lider ng BPG na gawing kanang kamay ito.

"Mukhang hindi naman kayo nagsisinungaling." wika ni Malcov.

Nabuhayan naman ng dugo sina Arman na para bang sa tingin nila ay papatawarin pa sila ni Malcov. "Dalhin sila sa dog farm. Magmula ngayon ay doon kayo titira kasama ang mga aso sa loob ng sampung taon bilang kaparusahan sa paglabag niyo sa alituntunin ng gang. Magsisilbi rin kayong tagalinis ng mga kulungan at kasama nilang matutulog." dagdag pa ni Malcov k