Chapter 72 - She Needs My Protection

Masayang nag-uusap si Lance at Kina habang naglalakad ang mga ito sa koridor patungo sa dormitoryo ni Kina. Nasa likuran naman nila at nakabuntot sina Luke.

Simula sa cafeteria ay nakapokus lang ang atensyon ni Alona sa dalawang nasa unahan nila.

"Sa tingin mo ba ay bagay sila sa isa't-isa?" biglang tanong nito kay Luke. Hindi man lang nagawang alisin ang tingin nito sa dalawa.

Napataas ang kilay ni Luke. Pinagmasdan niya muna si Alona bago ito tinugon. "Oo naman."

"Pssh!" tanging reaksyon ni Alona sa naging sagot ni Luke. Napairap pa ito.

Natawa naman agad si Luke. "Bakit parang hindi ka naniniwala? Nagtanong ka pa."

Huminto si Alona sa paglalakad at binigyan si Luke ng mapanuring tingin.

"A-ano na naman 'yan?" takang tanong ni Luke.

Nagkibit-balikat lang si Alona bago muling nagpatuloy sa paglalakad kaya mas lalong naguluhan si Luke sa inaasta nito.

"You said you like her. But it seems like you've given up on her. Hahayaan mo nalang bang matuloy ang kasal nila?" walang lingon likod