Chapter 43 Part 2

NAALIMPUNGATAN ako dahil sa ingay galing sa labas. Mukhang nagsisimula nang magkasiyahan. Napasarap ang tulog ko. Ala-singko na ng hapon.

Wala na akong katabi kaya bumangon na ako. Tiningnan ko ang sarili ko sa salamin. Sabi ni Tita, blooming daw ako. Dahil bagong dilig. I giggled. Pero parang wala namang nagbago sa aking hitsura. Simple pa rin.

Pagkatapos kong magsuklay ay lumabas na ako ng kuwarto. Pagbukas ko pa lang ng pinto, amoy ko na ang aroma ng iba't ibang klase ng putaheng niluto nina Tita.

"Good afternoon. Buti naman gising ka na, Madam. Kain na!" si Tita na saktong paglabas ko ng kuwarto ay naabutan ko sa kusina. Nakaupo siya sa mesa at kumakain doon.

"Opo, wait lang, Tita," sagot ko dahil kailangan ko na talagang magbanyo. Doon na rin ako naghilamos at toothbrush.

"Iyong asawa mo kanina pa pinagkakaguluhan doon sa labas," sabi pa ni Tita habang nagsasandok na ako ng kanin at ulam.

Natigilan ako saglit. "Bahala siya."

"Andaming nagtatanong na kapitbahay. Kung single pa ra