Chapter 20

CHAPTER 20

PAGKARATING nila Syler sa kanyang unit ay hindi agad umalis si Rusty. Ang buong akala pa naman niya ay uuwi na rin ito agad pero dire-diretso lang itong pumasok sa loob ng tinutuluyan niya.

“Magpalit ka agad ng damit para hindi ka magkasakit.”

Tumango siya at agad na sumunod sa sinabi nito. Sandali lang siyang naligo dahil nilalamig ang buo niyang katawan. Maling-mali na nagpaulan siya kanina dahil masyado pa naman siyang lamigin. Hindi na siya magugulat kung bigla na lang siyang sipunin. 

Pagbalik niya sa sala ay naabutan niya si Rusty na nanonood ng action movie. Napatigil sa pagsusuklay ng kanyang buhok upang sandaling pagmasdan ito. Napansin niyang nakaangat na hanggang siko ang kulay puting long sleeve na suot nito. Maging ang leather shoes at medyas nito ay nakahubad na rin. Seryoso itong nanonood habang kumakain ng banana chips na tingin niya ay nakuha nito sa ibabaw ng kanyang ref. Kung ti