Chapter Fifty

Tahimik ang paligid ng kuta.

May mangilan-ngilang rebelde sa paligid na nagbabantay. Ngunit wala ni isang nakapansin na may mga sundalong naka-puwesto na sa paligid. Sinenyasan ng kapitan ang mga kasamahan. Kailangan na nilang kumilos. Umiikot ang oras at mahalaga ang bawat minuto para sa isang misyon.

Una nilang pinuntirya ang mga bantay.

Saglit pa at isa-isang nagsipag-bulagtaan sa lupa ang mga katawan na wala ng mga buhay.

Subalit isang bandido ang nakaramdam ng kanilang pag-atake.

Sumigaw ito upang mabigyan babala ang mga kasamahan. Na-alarma ang lahat kaya't nagkaron na ng malaking komosyon. Nagpalitan na ng mga putok.

Naging marahas ang engkuwentro.

Dahil hindi rin basta-basta nagpalupig ang mga bandido. Kitang-kita ang kahandaan ng mga ito, gamit ang mga de klaseng armas.

Ngunit hindi kinakitaan ng pagkabahala ang kapitan.

Layon ng misyon ang iligtas ang bise presidente mula sa pagkakadukot ng mga tulisang kilala sa pagiging berdugo sa pagkitil ng buhay