CHAPTER 57 - LORD DEMON'S WRATH

Sumenyas si Clyde sa kambal na siya muna ang tatayo para alamin kung tuluyan ng nakaalis ang mga tauhan. Hindi naman gumalaw si Zariah mula sa kanyang kinaroroonan. Bumangon lang siya ng makita na pinapaypay siya ng kambal.

"Tulungan mo akong humanap ng panghukay." Wika ni Clyde at nagmamadaling inikot ang paligid sa paghahanap ng gagamitin.

"Kuya, ito ang ginagamit nila sa paghuhukay kanina." Tinaas ni Zariah ang spade at shovel para makita ng kuya niya.

Mabilis naman na lumapit si Clyde sa kambal at kinuha ang spade.

"Halika bilisan natin, baka hindi na makahinga si Mommy. Almost 3 minutes na ang nakalipas." Nagmamadaling wika ni Clyde habang hinuhukay ang pinag libingan sa mommy nila. Hawak naman ni Zariah ang shovel, tinulungan niya ang Kuya niya na magbungkal ng lupa.

"Bohoho, Kuya I'm really tired na, ngunit hindi pa tayo nangalahati sa paghuhukay. Baka hindi na makahinga si mommy."

Binalingan ni Clyde ang kapatid. Kahit nanlalabo na sa pinaghalong pawis at luha ang kanyang mg