CHAPTER 61 - THE MADMAN

“Master,” tawag ni Conrad habang nakaluhod ito sa harapan ni Clarence. Si Brando naman nanatili lang nakatayo sa gilid niya.

“Tumayo ka.” utos niya kaya tumalima naman ito at mabilis na tumayo. Sinimulan na niya ang pagtatanong rito. “Conrad, nabanggit mo sa akin noon na inutos ni Mommy na patayin si Ciara. Noong hinatid mo si Ciara sa loob ng Lying-in clinic, nakita mo ba kung sino ang dumukot sa bata?”

Sandaling nag-isip si Conrad at umiling-iling ito. “Master, hindi ko na po alam ang nangyari dahil iyak lang ng bata ang narinig ko. Nang balak ko ng pasukin ang silid kung saan si Master Ciara nanganganak, bigla na lang may pumalo na matigas na bagay sa ulo ko kaya ako nawalan ng malay.” paliwanag nito.

“Kilala mo ba kung sino pa ang ibang tauhan na inutusan ni Mommy upang patayin si Ciara?”

“Kilala ko ang ilan master, ngunit sa dami namin, hindi ko na rin alam kung sino pa ang ibang inutusan ni Madam Leticia.”

“Name them.” utos ni Clarence. Nakakuyom na ngayon ang kanyang kam