CHAPTER 68 - FATHER AND SON

“Mas Gago ka!” pasinghal na wika ni Clarence habang dinuduro ng daliri nito ang direksyon ni Ryke. “Mas Gago ka, alam mo ba kung bakit? Dahil nagawa mong saktan ang sarili mong pamilya, sa anong dahilan, huh? Sa pagmamahal mo kay Ciara na sarili mong kapatid, o, dahil sa kagustuhan ng iyong ama?” Alin doon sa dalawa na binanggit ko ang pinaka-dahilan mo!?”

“Hah, pareho! Minahal ko si Ciara kaya pumayag ako sa tang ina mo na patayin ang binhi mo. Ngunit umeksena itong matandang ‘to,” sabay tingin ng masakit sa putol na mga paa ni William at saka idinagdag. “Alam mo bang gustong-gusto kitang patayin noon? Ngunit hindi ko maintindihan sa sarili ko kung bakit pinili ko pa na buhayin ka. Ngunit salamat sa mga paa mo, dahil napaniwala ko si Daddy na patay ka na. Masisisi mo ba ako kung wala akong ibang ginawa kundi patunayan sa Daddy ko na karapat-dapat akong maging anak niya? Simula ng magkaisip ako, siya na ang kinagisnan kong ama. Napaniwala niya ako na patay na ang aking ina at ako lang