Chapter 57.💜

[Tyler pov]

Kinabukasan ay nakita ko si Fiona na nakangiti habang inaalagaan ang anak ko. Parang hindi ito nanggaling sa paghihirap kagabi. May ngiti ito habang nakikipag usap sa anak kong si Trevor. Bawat galaw ng kanyang labi, tawa niya, boses at lahat ng galaw niya ay nagpapaalala sa akin kay Maya.

Malinaw ang mata ko… Damn! Alam kong walang mali sa paningin ko, pero hindi ko alam kung bakit kakaiba ang tingin ko kay Fiona… hindi siya pangit sa paningin ko kahit noong una ko pa lang siyang nakita. I saw her as a normal woman just like others. Ang hindi ko maintindihan ay habang dumadaan ang mga araw ay gumaganda ang tingin ko sa kanya.

Iniwas ko ang mata ko sa kanya ng tumalikod siya sa bandang gawi ko. Suot ni Fiona ang binili kong pulang bestida. Dahil sa tingin ko ay magka- size sila ni Maya ng katawan ay size ng asawa ko ang pinili ko para sa kanya.

Ngayon suot ni Fiona ang binili kong bestida ay masasabi ko na hindi lamang sila magka- size… para silang iisang tao lang ni Maya.