CHAPTER TWENTY-THREE: HOME

Nanatiling nakahawak ang kamay ni Max kay Patricia. At nanatili silang nakatayo sa harapan ng isang ginang na ngayon ay nangingilid ang mga luha. Pinunasan nito ang mga kamay gamit ang apron na suot nito at saka mabilis na lumapit kay Max at niyakap iyon.

“Susmaryosep ka, Max. Saan ka ba nanggaling na bata ka at ngayon ka lang bumalik?” tanong ng Matandang babae kay Max.

Sandaling bumitaw ang kamay ni Max kay Patricia at saka nagmano sa ginang na sumalubong dito. “Mano po ‘nay.”

“Kaawaan ka ng Diyos. Ako’y todo-todo na ang pag-aalala sa ‘yo. Hindi ko malaman kung saan ka hahanapin, ikaw ay maraming ipapaliwanag sa akin na bata ka. Noong nakaraang araw ay—.” Naputol ang sinasabi ng Ginang ng mapabaling sa kanya.

Mabilis siyang ngumiti at nagyukod ng ulo. “G-Good evening po.”

“M-May kasama ka.” Dahan-dahan na sabi nito kay Max.

Ag