CHAPTER THIRTY : SYNTAX ERROR

"SANDALI lang po!"

Sigaw ni ate Lhayzel mula sa loob ng bahay namin.

Patuloy lamang ako sa pagpindot ng door bell sa gilid ng gate namin habang humahagulgol ako. Kailangan ko sila ate ngayon, kailangan ko ang pamilya ko ngayon. Mababaliw na talaga ako kung wala akong magiging kasangga ngayon.

"Madaling araw na, kumakatok ka pa, ha. Sino ka ba at hindi rin makapaghintay na mapagbuksan ng gate— T-tajiana?! Bakit ka nandito?! Madaling araw na, ah! Bakit ka umiiyak?!"

Gulat at sunod sunod na turan ni ate Lhayzel sa akin matapos akong sumugod dito payakap sa kaniya dahil kailangan ko ang yapos nito.

Sinara ni ate Lhayzel ang gate namin at saka ako nito inakay papasok sa loob ng bahay habang humahagulgol ako sa balikat nito dahil hindi ko na kayang pigilan pa ang mga luha at hikbi ko dahil kusa na itong lumalabas sa akin.

"A-anong nangyari sa'yo, bunso? Bakit ka umiiyak? May nangyari ba kay Xence? May nangyari ba sa'yo? Sa inyo?"

Natatarantang tanong ni ate Lhayzel sa akin habang inaa