CHAPTER THIRTY SEVEN : 24TH OF DECEMBER

"OH? Bakit ka naman nagmamadaling umakyat diyaan? Nakakita ka ba ng shokoy sa dagat?"

Natatawang tanong sa akin ni Aristophanes habang hinaharangan nito ang hagdanan para hindi ako makaakyat sa taas. Pinalo ko naman ito sa kaniyang braso para gumilid na siya pero hindi talaga ako nito hinayaang makaakyat.

"Ano ba, Istong? Padaan muna..."

Naiiritang turan ko sa kaniya dahil alam kong namumula pa rin ang buong mukha ko dahil sa nangyari kanina.

"Hala ka, bakit ka naman namumula, Yanang? Don't tell me, poging shokoy ang nakita mo sa dagat?"

Nanunuksong tanong nito sa akin kaya naman iritado akong tumalikod sa kaniya at umupo na lang sa sofa sa may sala pero sinundan pa rin ako nito.

"Alam mo, mapang-inis ka talaga kahit kailan, ano?"

"Eh, bakit ka nga kasi namumula? Sasagutin mo lang din naman, eh. Pinatatagal mo pa."

Namimilosopong sagot ni Aristophanes sa akin kaya naman napatingin na lang ako sa salamin kung namumula pa ba ang mukha ko pero hindi na ito gaanong kapula hindi katulad ka