CHAPTER 41: I Love You

MAAYOS na nagawa ni Lily ang trabaho niya. Pinilit niyang ilagay sa likod ng kanyang isip ang mga problema na iniwan sa Maynila sa loob ng dalawang buwan. May supplier si Kael para sa mga kagamitan kaya hindi sila nahirapan ni Danica sa pagpili ng ilang gamit at sa disenyo.

Kung tutuusin ay hindi naman niya kailangan manatili doon nang buong dalawang buwan. Ngunit sa gulo ng kinakaharap ni Kenneth at ng mga kaibigan nito, mas ginusto niyang mag-stay. Malugod siyang tinanggap ni Mr. Arvesso at pinayagan siyang manatili hangga't gusto niya. Halos naging bakasyon niya rin ang lugar na iyon.

Inilalaan ni Mr. Arvesso ang karamihan sa oras nito sa paglalakbay, pamamahala sa iba't ibang negosyo kabilang ang mga hotel, resort, at real estate. Iyon ang dahilan kaya nais nito na magtapos si Danica sa business course.

Hindi pa nakikilala ni Lily ang kapatid ni Danica, ngunit ayon sa kanyang kaibigan, si Mr. Arvesso at ang nakatatandang kapatid nito na lalaki, na nagtatrabaho sa iba't iba