Chapter 24

YÑIGO

NAGSALUBONG ANG kilay ko at parang nagdilim ang paningin ko ng makita ang ex ni Amira na nasa labas ng gate at pigil pigil ng mga tauhan ko.

Anong ginagawa nya dito?

Kuyom ang kamaong lumapit ako sa gate. Binati pa ako ng ilang mga tauhan sa gate.

"Amira!" Sigaw ng lalaki.

Nagpanting naman ang tenga ko sa pagsigaw nya sa pangalan ng asawa ko. Ni ang banggitin ang pangalan ay wala syang karapatan.

Madilim ang mukha nya at nagtatagis ang bagang ng makita ako.

"Anong kailangan mo sa asawa ko?"

"Ilabas mo si Amira, gusto ko syang makausap." Mariing sabi nya.

Napakamot ako ng kilay at humugot ng malalim na hininga para kalmahin ang sarili. Gusto ko na syang labasin sa gate at bigyan ng isang bigwas. Ang kapal ng mukha makautos.

"Ano pang pag uusapan nyo ng asawa ko?"

Lalo namang nagdilim ang paningin ang lalaki at nagpupumiglas sa hawak ng dalawang tauhan ko.

"Hindi mo sya asawa." Singhal nya.

Napangisi naman ako sa sinabi nya. Kumibot ang labi ko at nagpipigil na paulan